«Հայկական վերածնունդ» շարժումը խստիվ դատապարտում է ՀՀ ոստիկանական ռեժիմի կողմից ցուցաբերած հակասահմանադրական ոչ իրավաչափ վարքագիծը, այն է` բացառապես խաղաղ քաղաքացիների և ԶԼՄ-ների ներկայացուցիչների նկատմամբ անհամապատասխան պայմաններում ուժի և տեխնիկայի կիրառումը: Շարժումը պահանջում է անհապաղ ազատ արձակել ապօրինի բերման ենթարկվածներին և քրեական գործ հարուցել այն ոստիկանների նկատմամբ (ներառյալ՝ քաղաքացիական հագուստով ոստիկանների), ովքեր ոտնահարել են ցուցարարների և ԶԼՄ-ների խոսքի ազատության, ազատ տեղաշարժվելու սահմանադրական իրավունքները: Կոչ է արվում ոստիկանությանը այլևս չխոչնդոտել խաղաղ ցուցարարների երթերը և նստացույցերը:
<<Հայկական վերածնունդ>> շարժումը զորակցում է բռնություններից հետո Երևանի Ազատության հրապարակում և հանրապետության այլ քաղաքներում կրկին քաջաբար ոտքի ելած բոլոր ցուցարարներին և իր անսահման համերաշխությունը հայտնում նրանց:
Այլևս հնարավոր չէ բիրտ և անօրեն ճանապարհով ստիպել հայրենի ժողովրդին վճարել մի բուռ օլիգարխների ճոխ կյանքն ապահովելու գումարները:
23 հունիսի 2015թ.
Հարգանքներով`
«Հայկական վերածնունդ» շարժում
Ստորագրությամբ`
ՀՎ-Լոս Անջելեսի մասնաճյուղ
ՀՎ-Բելգիայի մասնաճյուղ
ՀՎ-Գերմանիայի մասնաճյուղ
ՀՎ-Իսպանիայի մասնաճյուղ
ՀՎ-Իտալիայի մասնաճյուղ
ՀՎ-Լիբանանի մասնաճյուղ
ՀՎ-Կանադայի մասնաճյուղ
ՀՎ-Շվեդիայի մասնաճյուղ
ՀՎ-Չեխիայի մասնաճյուղ
ՀՎ-Ռուսաստանի մասնաճյուղ
ՀՎ-Ֆրանսիայի մասնաճյուղ