Մամուլի հաղորդագրություն

«Էզդիխանի բարձրագույն խորհրդի» (ԷԲԽ) կազմկոմիտեն ս. թ. նոյեմբերի 24-ին՝ ժամը 10.30-ին «Հրազդան»  հյուրանոցի կոնֆերենս դահլիճում կազմակերպում է «Իմ տունը Էզդիխանն է» խորագրով համաժողով:

«Էզդիխանի բարձրագույն խորհուրդը»  եզդիների ցեղասպանությունից հետո ստեղծված կառույց է, որի նպատակն է աշխարհի տարբեր վայրերում գտնվող եզդիների միավորման միջոցով ձեռնամուխ լինել վերջիններիս խնդիրների լուծմանը, եզդիական մշակույթի և կրոնի պահպանմանը, ինչպես նաև եզդիների հայրենիքում՝ Սինջարում, եզդիների համար անվտանգության գոտու ստեղծմանը:

Հայաստանում կազմակերպվելիք համաժողովը նպատակ է հետապնդում հավաքել եզդիների խնդիրների լուծման ուղիների մասին կարծիքները և դրանք ներառել ԷԲԽ-ի առաջիկա ծրագրերի մեջ:

ԷԲԽ-ն կարևորում է Հայաստանի եզդիների և եզդիական հարցերով զբաղվող հայ մտավորականների մոտեցումները և անհրաժեշտ է համարում խնդիրների լուծման ժամանակ առաջնահերթություն տալ նաև առաջարկված մոտեցումներին և խնդիրներին: Համաժողովին  մասնակցում է ԷԲԽ-ի պատվիրակությունը, Հայաստանի եզդիական համայնքի հասարակական գործիչները, մտավորականներ, ինչպես նաև խնդրին քաջատեղյակ հայ հասարակական և քաղաքական գործիչներ:

Երկժամյա քննարկումից հետո տեղի կունենա դռնփակ և արտահերթ նիստ՝ ԷԲԽ-ի հայաստանյան պատվիրակների և խորհրդի այլ անդամների մասնակցությամբ:

Համաժողովի ընթացքում կքննարկվեն՝

  • ԷԲԽ-ի ստեղծման նպատակները,
  • Հայաստանի եզդիների մասնակցության մեխանիզմները ԷԲԽ-ի աշխատանքներին,
  • ԷԲԽ-ի մոտեցումները սինջարյան ճգնաժամի և Սինջարում եզդիների հետագա գոյատևման հետ կապված հարցեր,
  • Ստրկության և վաճառքի հանված եզդի կանանց խնդիրների լուծման ուղիները,
  • Հայաստանի եզդիների դերը վերոհիշյալ խնդիրների լուծման գործում:

 

 

бутон за споделяне

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net