«Իսկ գուցե արեւմտահայության գենոցիդի պատճառներից մեկն էլ Դաշնակցության հետ չհամագործակցե՞լն էր»

Իշխանություն-դաշնակցականներ կոալիցիայի մասին ոմանք սարկազմով են խոսում: Դաշնակները պինգ-պոնգի կարգով պատասխանում են, երբեմն խելոք բաներ են ասում, բայց հիմնականում չափն անցնում՝ մեկ-մեկ էլ կոմիքսի են հասցնում: «Ով Դաշնակցության հետ չի համագործակցում, ինքն է կործանվում»,- ասում են եւ հիշում երիտթուրքերին, բոլշեւիկներին, սովետահայ պարտոկրատիային, ՀՀՇ-ին… 125 տարվա փորձ ունեցող կուսակցությունը կարող էր իշխանության հետ կոալիցիայի մեջ մտնելու ավելի հիմնավոր եւ կոռեկտ բացատրություն գտնել: Բայց ունենք այն, ինչ ասվել է, ուստի հարկ է պինգ-պոնգը շարունակել:

Պատմությունից հայտնի է, որ Կոստանդնուպոլսի հայ ինտելիգենցիան եւ կղերականությունը դեմ են եղել Թուրքիայում ֆիդայական պատերազմի դաշնակցական կոնցեպցիային, իսկ պրովինցիալ բնակչությունը բացարձակապես մերժել է զենք վերցնելու եւ սուլթանական ռեժիմը տապալելու ռոմանտիզմը: Պատմությունը դաժան է, փաստերը ցույց են տալիս, որ Արեւմտյան Հայաստանում հայ հեղափոխական գործի կազմակերպիչները հիմնականում կովկասահայեր էին, Կովկասից էին Թուրքիա անցել առաջին զինված խմբերը: Թուրքիայում տոտալ ապստամբություն բարձրացնելու դաշնակցական ուտոպիան մինչեւ վերջ էլ արեւմտահայության գիտակցության մեջ մասսայականություն չի ունեցել: 2015 թվին նշեցինք Ցեղասպանության 100-րդ տարելիցը:

Իշխանություն-Դաշնակցություն կոալիցիայի հիմքը դրվեց այդ առթիվ ընդունված համահայկական Հռչակագրով, որի ակցենտներն իդենտիկ են Դաշնակցության տեսլականին: Համագործակցություն հնարավոր է այն դեպքում, երբ տարբեր կուսակցությունների միջեւ գտնվում են գաղափարական ընդհանրություններ: Միայն թե շատ ապոկալիպտիկ է հնչում «ով Դաշնակցության հետ չի համագործակցում, ինքն է կործանվում» ֆորմուլան: Ուզես-չուզես, իսկույն մտածում ես. «Իսկ գուցե արեւմտահայության գենոցիդի պատճառներից մեկն էլ Դաշնակցության հետ չհամագործակցե՞լն էր»:

Վահրամ ԱԹԱՆԵՍՅԱՆ

Նյութի աղբյուրը ` hraparak.am

 

бутони към социални мрежи

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net