Եվրոպայի հայերի համագումարը վերահաստատում է իր զորակցությունը այս հուժկու ժողովրդական շարժմանը
Հայրենիքի մեր սիրելի քույրեր եւ եղբայրներ, սփյուռքը իր ճնշող մեծամասնությամբ ձեզ հետ է:
Համակարգի փոփոխությունը ժողովրդի արդար պահանջն է եւ ոչ մի ՀՀԿ-ական եւ դաշնակ կոալիցիա չի կարող կասեցնել ժողովրդական այս խաղաղ եւ հուժկու շարժումը:
ՀՀԿ-ական եւ դաշնակցական սովորական շարքային անդամներին հորդորում ենք միանալ ժողովրդին եւ թույլ չտալ մինչեւ ուղն ու ծուծը կոռումպացված իշխանությանը շարունակել իր հակազգային քաղաքականությունը:
Ինչպես միշտ ասել ենք եւ ասում ենք ոստիկանները հարազատ ժողովրդի զավակներն են եւ ուստի ոստիկանական ողջ կազմին հորդորում ենք կանգնել հարազատ ժողովրդի կողքին:
Եվրոպայի Հայերի Համագումար
Ուփսալա, Շվեդիա
25 ապրիլ 2018 թ.