Երվանդ Խոսրովյան
Չինաստանի արտաքին գործերի կենտրոնական հանձնաժողովի տնօրեն Վան Յին, ինչպես և Ռուսաստանի արտգործնախարար Սերգեյ Լավրովը, պնդում է, որ զարգացող երկրները, հատկապես աֆրիկյան երկրները, պետք է ավելի մեծ դեր ունենան կազմակերպության որոշումներում:
Չինաստանը հայտարարել է ՄԱԿ-ի Անվտանգության խորհրդի բարեփոխման համաձայնության մասին՝ հօգուտ համաշխարհային հարավի և Աֆրիկայի երկրների։
Չինաստանի արտաքին հարաբերությունների կենտրոնական հանձնաժողովի տնօրեն Վան Յին նույնպես աջակցել է ավելի շատ զարգացող երկրներին իրավունք տալ մասնակցելու ՄԱԿ-ի Անվտանգության խորհրդին:
Վան Յիի մեկնաբանությունները հնչեցին մեկ շաբաթ անց այն բանից հետո, երբ ՌԴ ԱԳ նախարար Սերգեյ Լավրովը նման առաջարկ արեց՝ ասելով, որ արևմտյան ուժերի ներկայությունը չափազանց շատ է միջազգային կարևոր կառույցում:
Շաբաթ օրը ՄԱԿ-ում Քուվեյթի և Ավստրիայի դեսպաններ Թարիք Ալբանայի և Ալեքսանդր Մարշիկի հետ հանդիպման ժամանակ Վան Յին ասել է. «Անվտանգության խորհրդի բարեփոխումները չպետք է ի շահ արևմտյան երկրների լինի։ Անվտանգության խորհրդի բարեփոխումները պետք է աջակցեն արդարությանը և ուժեղացնեն զարգացող երկրների ներկայացուցչությունն ու ձայնը և թույլ տան փոքր ու միջին երկրներին մասնակցել Խորհրդի որոշումներին:
Չինաստանի Կոմունիստական կուսակցության Կենտրոնական կոմիտեի արտաքին գործերի պաշտոնյան, որը Չինաստանի արտաքին գործերի նախարարն էր 2013 թվականի մարտից մինչև 2022 թվականի դեկտեմբերը, ավելացրել է, որ «Աֆրիկայի նկատմամբ պատմական անարդարությունները» պետք է շտկվեն։ Չինացի դիվանագետն այս հայտարարություններն արել է Անվտանգության խորհրդի բարեփոխումների բանակցություններից առաջ, որոնք անցկացվում են Քուվեյթի և Վիեննայի նախագահությամբ։ Վանգը հույս է հայտնել, որ կոնսենսուս ձեռք կբերվի «որպեսզի Անվտանգության խորհրդի բարեփոխումների գործընթացը լայնորեն ճանաչվի…»։
Հունվարին Աֆրիկա կատարած այցի ժամանակ Չինաստանի արտաքին գործերի նախարար Ցին Գանգը նաև հստակեցրեց, որ Պեկինը ցանկանում է ընդլայնել զարգացող երկրների ներկայացուցչությունը ՄԱԿ-ի Անվտանգության խորհրդում, որպեսզի «կառավարման գլոբալ համակարգը ավելի արդար լինի»:
Անցած երկուշաբթի Ռուսաստանի արտգործնախարար Սերգեյ Լավրովը Նյու Յորքում ՄԱԿ-ի կենտրոնատեղում ասել էր. «Իսկական բազմակողմանիությունը… պահանջում է, որ ՄԱԿ-ը հարմարվի միջազգային հարաբերություններում ձևավորվող բազմաբևեռ ճարտարապետության օբյեկտիվ միտումներին»: Լավրովի խոսքով, պետք է արագացնել մարմնում «ասիական, աֆրիկյան և լատինաամերիկյան երկրների ներկայացուցչության ընդլայնումը»։
Նա նաև ափսոսանք է հայտնել Անվտանգության խորհրդում «Արևմուտքի չափազանց մեծ ներկայացվածության մասին»։
Նույն բանավեճում ՄԱԿ-ում Միացյալ Նահանգների դեսպան Լինդա Թոմաս Գրինֆիլդը և Հնդկաստանի բանագնաց Ռոչիրա Կամբոջան նույնպես պաշտպանեցին ՄԱԿ-ի Անվտանգության խորհրդի բարեփոխումները:
Իր ներկայիս տեսքով ՄԱԿ-ի Անվտանգության խորհուրդը բաղկացած է վետոյի իրավունք ունեցող հինգ մշտական անդամներից՝ Չինաստանը, Ֆրանսիան, Ռուսաստանը, Միացյալ Թագավորությունը և Միացյալ Նահանգները, և տասը ոչ մշտական անդամներ, որոնք ընտրվում են երկու տարին մեկ ՄԱԿ-ի Գլխավոր ասամբլեայի կողմից:
Գործող կանոնների համաձայն՝ ոչ մշտական անդամները ներառում են հինգ աֆրիկյան և ասիական երկրներ, մեկ Արևելյան Եվրոպայի երկիր, երկու Լատինական Ամերիկայի և երկու Արևմտյան Եվրոպայի և այլ երկրներ:
Շվեյցարիայի և Մալթայի հետ որպես ոչ մշտական անդամներ, Արևմուտքը ներկայումս ունի հինգ տեղ խորհրդում, ավելի շատ, քան ցանկացած այլ տարածաշրջան:
Ոչ մշտական անդամների տասնյակում է նաև Ճապոնիան՝ Վաշինգտոնի մերձավոր դաշնակիցը: