Հայաստանը կարող է օգնել Իսլամական պետության դեմ պայքարում

Ամերիկացի լրագրող Չարլի Ռոուզին տված հարցազրույցում Ռուսաստանի նախագահ Վլադիմիր Պուտինը հայտնել է, որ ինքն անձամբ է տեղեկացրել ԱՄՆ-ի, Թուրքիայի, Հորդանանի և Սաուդյան Արաբիայի առաջնորդներին Բաղդադում Սիրիայի, Իրանի և Իրաքի հետ համատեղ տեղեկատվական կենտրոնի ստեղծման մասին` «Իսլամական պետություն» ահաբեկչական խմբավորման դեմ պայքարը կազմակերպելու նպատակով:

Կենտրոնի ստեղծումը Մերձավոր Արևելքում ԻՊ-ի դեմ պայքարի մեջ իրականում հետաքրքրված պետությունների դաշինքի ձևավորման վերաբերյալ ռուսաստանյան ղեկավարության առաջարկի իրագործումն է, – ասում է ՌԳԱ Արևելագիտության ինստիտուտի արաբական և իսլամական ուսումնասիրությունների կենտրոնի ավագ գիտաշխատող Բորիս Դոլգովը:

«Դեռևս խոսքը տեղեկատվական դաշտում ԻՊ-ին հակազդելու և ոչ թե ռազմական գործողությունները ղեկավարող շտաբի մասին է: Այն կառույցը, որը կմիավորեր դաշինքի մասնակից երկրների ռազմական ստորաբաժանումները դեռևս ստեղծված չէ: Դրա ստեղծման դեպքում տեղեկատվական կենտրոնը տվյալներ կփոխանցի ԻՊ-ի ահաբեկիչների գտնվելու վայրի վերաբերյալ դաշինքի ռազմական մարմիններին, որոնք էլ համապատասխան հարվածներ կհասցնեն», – RUSARMINFO-ի հետ զրույցում ասել է Դոլգովը:

Ըստ փորձագետի, Բաղդադում տեղեկատվական կենտրոնի ստեղծմանը կարող է մասնակցել նաև Հայաստանը:

«Կենտրոնին միանալը բխում է Հայաստանի շահերից, որի նախաձեռնողականությունն այս հարցում կդիտվի որպես արդյունավետ քայլ: Հայաստանի մասնակցությունը շատ արդյունավետ կարող է լինել, եթե հաջողվի օգտագործել Սիրիայի և Իրաքի հայերի ներուժը, որոնք ակտիվորեն պայքարում են ԻՊ-ի ահաբեկիչների դեմ և տիրապետում են ավելի շատ տեղեկատվության, քան արտասահմանցի մասնագետները», – համոզված է Դոլգովը:

Հիշեցնենք, որ ԻՊ-ի դեմ տեղեկատվական կենտրոնում ծառայության կանցնեն Ռուսաստանի, Սիրիայի, Իրաքի և Իրանի գլխավոր շտաբերի ներկայացուցիչները: Կենտրոնի հիմնական նպատակն է լինելու Մերձավոր Արևելքում տիրող իրավիճակի շուրջ տեղեկատվության հավաքագրումը, վերլուծումն ու ընդհանրացումը` հիմնականում ԻՊ-ի դեմ պայքարի նպատակով: Հետագայում տեղեկատվական կենտրոնի հիման վրա նախատեսվում է ստեղծել ԻՊ-ի դեմ ռազմական գործողությունների պլանավորմանն ուղղված համակարգող կոմիտե:

http://rusarminfo.ru

 

 

 

бутон за социални мрежи

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net