Այսօր ապրիլի 18-ին ծագումով թուրք՝ Շվեդիայի բնակարանաշինության նախարար Մեհմեդ Քափլանը (կանաչների կուսակցությունից) մի շարք սկանդալների հետեւանքով հասարակական խիստ ճնշումների եւ քննադատությունների արդյունքում հրաժարական ներկայացրեց:
Վարչապետ Ստեֆան Լյոֆվենը (սոցիալ դեմոկրատ կուսակցություն) ընդունելով նրա հրաժարականը մամլո ասուլիսում հայտարարեց. «Քափլանի արտաքին հարաբերությունները կրոնական եւ քաղաքական ծայրահեղ կազմակերպությունների հետ, որպես նախարար խոչնդոտում են նրա աշխատանքը»: Վարչապետը ավելացրեց, որ,«Յուրաքանչյուր նախարար հարկավոր է լավագույնս կարողանա ներկայացնել Շվեդի կառավարությանը, դա անկասկածելի է»:
Մեհմեդ Քափլանի բախտը չբերեց: Այս անգամ նա հայտնվեց մամուլի ու լրատվական միջոցների կիզակետում: Այս բոլորը այն բանից հետո, երբ թուրքական կենտրոնական կառույցի փոխ նախագահը երկու շաբաթ առաջ թուրք-ադրբեջանական հակահայ հավաքի ընթացքում կատարել էր հայերի նկատմամբ վարկաբեկիչ եւ անվայել խոսքեր… Դրանից հետո մամուլը եւ հասարակությունը իրենց բողոքի ձայնը բարձրացրին՝ դատապարտելով նրա ազգային ատելություն սերմանող ելույթը: Հակառակ նրա մեղանչումներին եւ ֆոտո խցիկի առջեւ կոկորդիլոսի արցունքներին, դժվար թե մեկը հավատա նրա մեղանչանքին… Նրա դեմ արդեն մի քանի դատական հայտ է ներկայացվել եւ հարցը քննարկման մեջ է:
Թուրք-ադրբեջանական հակահայ վայնասունի բովի մեջ հանկարծ բացահայտվում եւ ջրի երես է գալիս Քափլան նախարարի ոչ այնքան հստակ կապերը թուրքական գորշ գայլերի շվեդական ներկայացուցչի հետ… հրապարակվում են նույն սեղանի շուրջ նրա ընթրիքի նկարները, ուր ներկա է նաեւ թուրքական կենտրոնական կառույցի վերոնշյալ փոխ նախագահը:
Այսօր բացահայտվեց նաեւ հարկատուների գումարներով նրա բազմաթիվ ճամբորդությունները Թուրքիա եւ նրա կապերը Էրդոգանին մոտ շրջանակում կաշառակերության մեջ մեղադրվող քաղաքապետի եւ ծայրահեղական կրոնական կազմակերպությունների ներկայացուցիչների հետ:
Չմոռանանք նշել, որ անցյալ տարիների ընթացքում Մեհմեդ Քափլանը, երբ Շվեդական պառլամենտի անդամ էր, Արցախի հարցով՝ ադրբեջանական տեսակետների որպես ջատագով, մի քանի անգամ հակահայ նախագծերով հանդես է եկել, փորձելով վավերացնել տալ պառլամենտում, ինչը իհարկե նրան չի հաջողել:
Կարո Հակոբյան
Եվրոպայի Հայերի Նախագահ
Շվեդիա, Ստոքհոլմ
18 ապրիլ 2016
տես նաև՝ Sweden’s housing minister quits after extremism row