Եկ հոգիս փախչենք աշխարհից հոռի,
կտրենք ու անցնենք դաշտ,այգի ու արտ,
տրվենք երկնքին պարզ ու անթերի,
մոռանանք օր,ժամանակ ու կյանք:

Եկ հոգիս խաչվենք արծվի թևերին,
թռչենք ու հասնենք բարձր սարերին,
տրվենք ճերմակին անմեղ ամպերի,
հետևում թողնենք ցավ,կարոտ ու լաց:

Եկ այսօր ըմպենք մեղքի գավաթից,
մոռանանք աղոթք,«Հայր մեր» ու Աստված,
եկ այսօր տրվենք սատանա բախտին,
էս ծուռ աշխարհի հերն էլ անիծած:

Եկ տրվենք ծովին՝խենթ ու խելագար,
մոռանանք պարտք,խոստում ու մեծ սեր,
շեղվենք ճամփեքից այս նեղ ու երկար
ու տրվենք կրքին մենք մի ողջ գիշեր:

Եկ այսօր հարբենք մոռանալու չափ,
փսխենք այս մաղձը
ու ազատվենք հիշողության
թունոտ նեկտարից:

Եկ այսօր ապրենք,
ապրենք ուղղակի,
եկ այսօր լինենք առանց դիմակի,
տրվենք երկնքին՝բախտը անիծենք,
պար գանք ու երգենք առանց ամոթի:

Եկ հոգիս փախչենք արգանդից այս պիղծ,
քանի չենք խաչվել մեր սիրո համար՝խենթ ու խելագար
փախչենք ու տրվենք ծովի ալիքին,
դառնաս դու Օվան,իսկ ես էլ Թամար…

Անի Հերունի Սաջյան

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert