Վաշինգտոնն ու ՆԱՏՕ-ն Ուկրաինայում «պռոքսի պատերազմ» են վարում Ռուսաստանի դեմ։ Ամերիկան անընդհատ պատերազմ հրահրելու մեջ է, ավարտելով մեկը սկսում է հերթական մյուս պատերազմը: Մեր ազգային շահերից չի բխում Ամերիկայի պատերազմներին հետևելը։
Երվանդ Խոսրովյան, 15 հունվարի, 2023թ.
Խորվաթիայում նախագահն ու կառավարությունը տարաձայնություններ ունեն Ուկրաինայի հակամարտության և Ռուսաստանի հետ վարվելու հարցում: Կիրակի օրը իր ելույթում նախագահ Միլանովիչը կոշտ արտահայտվեց երկրի վարչապետի հասցեին։
Խորվաթիայի նախագահ Զորան Միլանովիչը կիրակի օրը քննադատել է Ռուսաստանի դեմ պատժամիջոցների հարցում Արևմուտքի քաղաքականությունը։
Նա նաև իր ելույթում մեկնաբանեց իր երկրի և Եվրամիության քաղաքականությունը Ուկրաինայի նկատմամբ, որը բացահայտ քննադատեց.
«Մեր ծրագիրը չի կարող լինել պատժամիջոցներ [Ռուսաստանի] և Պուտինի դեմ։ Սա անհեթեթություն է։ Մենք ոչնչի չենք հասնի. Նույնիսկ Միլոշևիչիը չտուժեց պատժամիջոցներից։ «Ուկրաինացի զինվորներին պատրաստելու կամ պատերազմին միջամտելու որոշումը պետք է լինի Խորվաթիայի ընտրությունը, Խորվաթիան չպետք է անի այն, ինչ իրեն թելադրում են ավելի մեծ ուժերը»:
Նա հավելել է, որ Վաշինգտոնն ու ՆԱՏՕ-ն Ուկրաինայում «պռոքսի պատերազմ» են վարում Ռուսաստանի դեմ։
Ամերիկան անընդհատ պատերազմ հրահրելու մեջ է, ավարտելով մեկը սկսում է հերթական մյուս պատերազմը: Մեր ազգային շահերից չի բխում Ամերիկայի պատերազմներին հեևելը։
«Ի՞նչ պետք է լինենք Ամերիկացիների ստրուկը»,— հարցրեց Միլանովիչը։.
Նա նաև մեկնաբանել է Խորվաթիայի վարչապետ Անդրեյ Պլենկովիչի՝ ֆրանսիական լրատվամիջոցներին տված հարցազրույցը, որում նա բացատրել է Խորվաթիայում ուկրաինացի զինվորների վերապատրաստումը։
«Ֆրանսիական լրատվամիջոցներում նրանք թքել են Խորվաթիայի ներկայացուցիչների և Խորվաթիայի քաղաքացիների վրա», – ասել է Միլանովիչը և շարունակել է իր խոսքը ուղղված վարչապետին՝ «Երբեք մի վիրավորեք ձեր քաղաքացիների դեմոկրատ ներկայացուցիչներին օտար լրատվամիջոցներում». Սա մարդկային բարքերի և վարքագծի նվազագույն պահպանումն է»։
Խորվաթիայում ուկրաինացի զինվորներին պատրաստելու պլանը դեկտեմբերի կեսերին Զագրեբի խորհրդարանում չհաջողվեց հավաքել անհրաժեշտ մեծամասնությունը:
Վարչապետ Պլենկովիչը, ով աջակցում էր այս նախագծին և հետևում էր ուկրաինամետ քաղաքականությանը, այս դեպքից հետո հարցազրույց է տվել արտասահմանյան լրատվամիջոցներին և դաժանորեն հարձակվել Խորվաթիայի ներկայացուցիչների վրա։
Միւս կողմից, նախագահ Միլանովիչը Ուկրաինայի շուրջ հակամարտութիւնը որակեց որպէս «ռուս-ամերիկեան պատերազմ» եւ յայտարարեց, որ ցանկանում է իր երկիրը հեռու պահել դրանից։