Երբ չարը բարիությունից է խոսում, ուրեմն լավ իմացիր, որ չար նպատակ է հետապնդում: Եթե դավաճանը հավատարմմությունից է խոսում, ուրեմն կրկին դավաճանության դավադրությունների է պատրաստվում: Եթե հանցագործը արդարադատությունից էխոսում, ուրեմն ծրագրում է նոր հանցագործությունների լայնամասշտապ գործողություն…(խմբ.)
Հունիսի մեկին ՛՛Օրինաց երկիր՛՛ կուսակցության շենքում տեղի ունեցավ հանդիպում մի շարք կուսակցությունների և հասարակական կազմակերպությունների հետ: Հանդիպումը գլխավորում էր ՕԵկ նախագահ Արթուր Բաղդասարյանը, որն ըստ նրա խոսքի՝ նախաձեռնել է ՛՛Հայկական վերածնունդ՛՛ միավորում՝ ուղղված պայքարելու Հայաստանի առջև ծանրացած հասարակական-քաղաքական խնդիրների դեմ:
Առաջին հայացքից դրական գնահատականի արժանացող նախաձեռնությունը մի շարք հարցեր է առաջ քաշում՝ կապված նախաձեռնության անվան և նախաձեռնողների իրական դրդապատճառների հետ:
՛՛ՀԱՅԿԱԿԱՆ ՎԵՐԱԾՆՈՒՆԴ՛՛ անունը պատահական չէ ընտրված, քանի որ ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ անվան տակ է գործում սփյուռքահայությանը միավորող շարժումը, որի նպատակն է Հայաստանում ունենալ յուրային կառավարություն և օրենքի գերակայության հաստատում Հայաստանում: ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ շարժումը թիկունք է կանգնում Հայաստանի առողջ քաղաքացիական շարժումներին ու բարեշրջման միտող այլ խմբավորումներին: Եվ ահա՝ Արթուր Բաղդասարյանի այս նախաձեռնությամբ փորձ է արվում ապականել սփյուռքում գործող շարժման անունը: Բոլորին է հայտնի Արթուր Բաղդասարյանի ապօրինի իշխանությունների մաս կազմելն ու Սերժ Սարգսյանի քամահրանքով գործողություն ծավալելը: Այս իշխանությունները պայքար են սկսել ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ շարժման դեմ: Բազում գրառումներ են եղել մամուլում թե ինչպես այս տարվա մայիսի 21-ին թույլ չտրվեց Հայաստանի Հանրապետության տարածք մուտք գործել ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ շարժման Փարիզի մասնաճյուղի համակարգող, հայտնի քաղաքական գործիչ Շանթ Ոսկերիչյանին:
Այս նախագիծը դատապարտված է անհաջողության, քանի որ այն առաջ է տարվում հայ ազգի ապագայով դույզն ինչ չանհանգստացող անձանց կողմից: Ձախողումն անկասելի է, քանի որ այն ուղղված է խաթարել ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ շարժման բարի համբավը: Փորձ է արվում կապել ՛՛ՀԱՅԿԱԿԱՆ ՎԵՐԱԾՆՈՒՆԴ՛՛ շարժման անունն՝ իշխանությունն ապօրինի զավթած մարդկանց հետ, որով և կասեցնել օր օրի ավելի ու ավելի սփյուռքում և հայաստանաբնակ հայության կողմից ժողովրդականություն վայելող շարծման ընթացքը:
Հայ ժողովուրդը պետք է հստակ տարրանջատի այս 2 ՛՛ՀԱՅԿԱԿԱՆ ՎԵՐԱԾՆՈՒՆԴ՛՛-ներն և դատապարտի հերթական ապազգային իշխանությունների լարած թակարդը:
4 Հունիսի 2015 թ.
Հարգանքներով`
«Հայկական վերածնունդ» շարժում
Ստորագրությամբ`
ՀՎ-Լոս Անջելեսի մասնաճյուղ
ՀՎ-Բելգիայի մասնաճյուղ
ՀՎ-Գերմանիայի մասնաճյուղ
ՀՎ-Իսպանիայի մասնաճյուղ
ՀՎ-Իտալիայի մասնաճյուղ
ՀՎ-Լիբանանի մասնաճյուղ
ՀՎ-Կանադայի մասնաճյուղ
ՀՎ-Շվեդիայի մասնաճյուղ
ՀՎ-Չեխիայի մասնաճյուղ
ՀՎ-Ռուսաստանի մասնաճյուղ
ՀՎ-Ֆրանսիայի մասնաճյուղ