Հայաստանի միջազգային պահուստները նվազել են, իսկ պետական պարտքն՝ աճել

hetq.am- Սեդա Հերգնյան

Այս տարվա հունիսի վերջի դրությամբ Հայաստանի  համախառն միջազգային պահուստները կազմել են 1 մլրդ 545,9 մլն ԱՄՆ դոլար։ Այս մասին տեղեկանում ենք ՀՀ կենտրոնական բանկից։ Մայիսի համեմատ  պահուստները նվազել են մոտ 53 մլն դոլարով կամ 3,4%-ով։ Իսկ տարեսկզբի համեմատ (դեկտեմբերի վերջի դրությամբ արձանագրված ցուցանիշի համեմատ)` ավելացել  ավելի քան 56 մլն դոլարով կամ 3,6%-ով։

Հունիսին ազատ փոխարկելի արժույթով արտաքին ակտիվները կազմել են 1,545 մլրդ դոլար։ Ոսկի և ԱՄՀ-ում փոխարկելի արժույթ չունենք։

Հիշեցնենք, որ Հայաստանի միջազգային պահուստները 2014 թվականին կրճատվել են 34%-ով՝ կազմելով 1,489 մլրդ դոլար:

Պահուստների հիմանական նպատակներից է պետական պարտքի սպասարկումը: Ի՞նչ ունենք այս մասով։ Ինչպես տեղեկանում ենք ՀՀ ազգային վիճակագրական ծառայությունից, այս տարվա հունիսի վերջի դրությամբ Հայաստանի պետական պարտքը կազմում է 4,68 մլրդ դոլար, որից արտաքին պարտքը՝ 3,986 մլրդ դոլարն է, իսկ ներքին պարտքը՝ 694 մլն դոլարը։  Արտաքին պարտքի 3,556 մլրդ դոլարը ՀՀ կառավարության պարտքն է, իսկ մոտ 430 մլն դոլարը՝ ՀՀ կենտրոնական բանկինը։

Ընդհանուր պետական պարտքը մայիսի համեմատ աճել է 50 մլն դոլարով, իսկ միայն արտաքին պարտքը՝ 39 մլն դոլարով։ Այս տարեսկզբի համեմատ էլ՝ Հայաստանի պետական պարտքն աճել է ավելի քան  238 մլն դոլարով։

Ստացվում է, որ Հայաստանում տարեսկզբից պետական պարտքն ավելի արագ տեմպերով է աճել, քան  միջազգային պահուստները։

Ի դեպ, նշենք, որ հունիսի ցուցանիշում ներառված չեն ՌԴ-ի կողմից տրամադրվելիք 200 միլիոն դոլարը (վարկը տրվում է Հայաստանի սպառազինությունը ընդլայնելու նպատակով) և ատոմակայանի հիմնանորոգման համար տրամադրվելիք 270 միլիոն դոլարը:

бутони към социални мрежи

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net