Երբ տոկոսներ «խփելու» մոլուցքը մարդկանց դարձնում է ոչ ադեկվատ. Գեղարքունիքի եւ Վայոց ձորի մարզերի տվյալները

ՀՀ Սահմանադրության փոփոխությունների հանրաքվեին մասնակցելու իրավունք ունեցող անձանց նախնական ցուցակների համաձայն՝ Գեղարքունիքի մարզում ընտրելու իրավունք ունի 186.817 քաղաքացի:

Գեղարքունիքի երեք ընտրատարածքներում պատկերը հետեւյալն է.

Թիվ 22 ընտրատարածք – 58.021 ընտրող

Թիվ 23 ընտրատարածք – 62.718 ընտրող

Թիվ 24 ընտրատարածք – 66.078 ընտրող

Ընտրողների թիվն աճել է նաեւ հանրապետության այս տարածքում՝ 2012 թվականի ընտրություններից հետո շուրջ 5000-ով:

Կենտրոնական ընտրական հանձնաժողովի պաշտոնական կայքից վերցված տեղեկությունների համաձայն 2012 թվականին Գեղարքունիքի ընտրատարածքներում պատկերն այսպիսին է եղել.

Թիվ 22 ընտրատարածք – 57.029 ընտրող

Թիվ 23 ընտրատարածք – 61.421 ընտրող

Թիվ 24 ընտրատարածք – 63.365 ընտրող

gex

2013 թվականի փետրվարի 18-ի նախագահական ընտրություններին մարզում ընտրողների թիվը կազմել է 186.490:

ՀՀ ազգային վիճակագրական ծառայության տվյալներով՝ 2011 թվականի մարդահամարին մշտական բնակչության թիվը Գեղարքունիքում կազմում է 235.075, առկան՝ 211.828 :

Համաձայն պաշտոնական տվյալների՝ մշտական բնակչությունից ընտրելու իրավունք ունի մոտ 175.000 քաղաքացի: Ինչպես նշեցինք, սահմանադրական հանրաքվեին 186.817 քաղաքացու անուն է ընդգրկված ցուցակներում՝ 11.817-ով ավելի:

2015 թվականի հուլիսի 1-ի դրությամբ Գեղարքունիքի մարզում մշտական բնակչության թիվը կազմում է 232.300:

Նշենք, որ ԱՎԾ տվյալների համաձայն 2001 թվականից ի վեր Գեղարքունիքի մարզից հեռացել է 5350 քաղաքացի: Մոտ այդքան մարդ ապրում է Ճամբարակ քաղաքում: Սրանք, հիշեցնենք, պաշտոնական տվյալներն են:

Վայոց ձորի մարզում ընտրատարածքը մեկն է՝ թիվ 39, որում ընդգրկված է 53 տեղամաս: Սահմանադրական հանրաքվեին ընտրողների թիվը Վայոց ձորում 46.839 է: Անգամ այս փոքր մարզում իշխանությունները զերծ չեն մնացել «թիվ նկարելուց»:

2012 թվականին ԿԸՀ տվյալների համաձայն՝ Վայոց ձորի թիվ 39 ընտրատարածքում ընտրողների թիվը կազմել է 46.317:

vayoc

2013 թվականի նախագահական ընտրություններին այս թիվն աճել է. քվեարկելու իրավունք ունեցող քաղաքացիների թիվը կազմել է 47.245:

Վայոց ձորի պարագայում ուշագրավ են մարդահամարի տվյալները: Այստեղ առկա բնակչության թիվը մոտավորապես ընտրողների թվի չափ է՝ 2011 թվականի տվյալներով՝ 47.659:

Մշտական բնակչության թիվը Վայոց ձորում 2011 թվականին կազմել է 52.324:

Ընտրելու իրավունք ունեցող քաղաքացիների թիվն այս մարզում չի անցնում շուրջ 41.000-ը:

Նշենք, որ այս պահի դրությամբ հանրապետության վեց մարզերի տվյալներ է ԳԱԼԱ-ն ամփոփել: Նախնական ցուցակների համաձայն՝ 6 մարզերում էլ ընտրողների թիվն աճել է, թեեւ անգամ վիճակագրական ծառայության տվյալներով արտագաղթի ազդեցությունը զգալի է եղել բոլոր մարզերում: Բնակչության թիվը նվազել է, սակայն ընտրողների թիվը տարեցտարի ավելանում է: Այս տեմպերով, ասենք, 2018 թվականի Հայաստանում ավելի շատ ընտրող կլինի, քան բնակիչ:

Արմենուհի Վարդանյան

http://galatv.am/hy/news/128802/

 

spodelime

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net