Հարավային Օսիայի Հանրապետության դեսպանի հանդիպումը «Ռուսաստանի ջավախքյան սփյուռք» կազմակերպության ղեկավարի հետ

Աղասի Արաբյան և Զնաուր Գասիև

2017 թ. հուլիսի 17–ին Ռուսաստանում Հարավային Օսիայի Հանրապետության արտակարգ և լիազոր դեսպան Զնաուր Գասիևի հրավերով դեսպանատուն այցելեց «Ռուսաստանի ջավախքյան սփյուռք» կազմակերպության ղեկավար Աղասի Արաբյանը։

Իրենց ողջույնի խոսքերում զրուցակիցները նշեցին, որ օս և հայ ժողովուրդների պատմական ճակատագրերի ընդհանրությունն իր արմատներով դեպի խոր անցյալ է գնում, հաշվվում է երկու ժողովուրդները կապող հազարամյակներով, իսկ Հարավային Օսիա Հանրապետության – Ալանիա Պետության տարածքում ապրող հայերը օս ժողովրդի անբաժանելի մասն են։  Դրանից ելնելով` նման հանդիպումները շատ կարևոր են, և անհրաժեշտ է, որ դրանք պարբերական բնույթ կրեն։

Զրույցի ընթացքում կողմերը հիշեցին 90-ական թթ. Հարավային Օսիայի տարածքում տեղի ունեցած մի շարք ողբերգական իրադարձությունների, ինչպես նաև 2008 թ. ամռան ռազմական հակամարտության մասին։ Զրուցակիցները չէին կարող չհիշատակել նաև «Օսական ջոկատի»` Ալանիայի հերոսական որդիների մասին, որոնք  հայ կամավորների կողքին ուս–ուսի կանգնել են ի պաշտպանություն հայկական հողերի և արյուն թափել հանուն Արցախի ազատության։

Զրուցակիցները նաև խոսեցին Հարավային Օսիայի Հանրապետության կողմից Հայոց ցեղասպանության ճանաչման կարևորության մասին։ Աղասի Արաբյանն առաջարկեց Հարավային Օսիայի մայրաքաղաք Ցխինվալում համատեղ կանգնեցնել ցեղասպանությունների զոհերին նվիրված հուշարձան։ Իր հերթին դեսպանը նշեց, որ Հարավային Օսիայի կողմից Հայոց ցեղասպանության ճանաչումը լոկ ժամանակի հարց է և օս ժողովուրդը խորին գիտակցում է իրենց հայ եղբայրների նկատմամբ Օսմանյան Թուրքիայի իշխանությունների կողմից իրականացված ոճիրի ողջ ծանրությունը։

Հանդիպման ավարտին կողմերը գոհունակություն հայտնեցին տեղի ունեցած արդյունավետ քննարկման կապակցությամբ, նվերներ փոխանակեցին և պայմանավորվեցին համագործակցել հասարակական, մշակութային, հումանիտար ոլորտներում, իրականացնել համատեղ միջոցառումներ` ուղղված հարևան երկրների միջև հարաբերությունների հաստատմանը, ժողովուրդների միջև բարեկամության ամրապնդմանը։

 

 

сподели бутон

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net