«ԵՍ ՀՈՒՆԱՍՏԱՆՈՒՄ ՆՈՐ ՌԱԿ ԵՄ ՍՏԵՂԾԵԼՈՒ»

Դեսպան Չարչողլյանի կողմից ՌԱԿ-ին ուղղված նո՞ր մարտահրավեր

Հունաստանում ՀՀ դեսպան Ֆադեյ Չարչողլյանի Ռամկավար Ազատական Կուսակցության (ՌԱԿ) հասցեին ուղղված քայերը, ըստ էության դադարելու միտում չունեն։

Օրերս, ՌԱԿ կուսակցության 96-ամյակին նվիրված միջոցառման նկատմամբ Չարչօղլյանի պահվածքը խիստ քննադատող ՌԱԿ Մամլո Դիվանի հայտարարությանը հաջորդեց Սոցիալ Դեմոկրատ Հնչակյան Կուսակցության (ՍԴՀԿ) հրապարակումը, որում այդ ավանդական կուսակցությունը ևս դժգոհանք էր հայտնում ՍԴՀԿ-ի պատվիրակության նկատմամբ դեսպանի անքաղաքավար վերաբերմունքի մասին։

Իսկ այժմ՝ Ֆադեյ Չարչողլյանի մոտ կանգնած անձիք հունահայ համայնքում հրապարակավ հավաստիացնում են, որ գալիք օրերին Հունաստանում, ստեղծվելու է դեսպանին հավատարիմ մի նոր ՌԱԿ, որի ներկայացուցիչներին ինքը պաշտոնապես ընդունելու է՝ որպես Ռամկավար կուսակցության ներկայացուցիչներ։

Եթե վերոնշյալ տեղեկությունները հրապարակավ հաստատվեն, ապա լուրջ հարցականներ են առաջանալու։ Որ՝ արդյո՞ք վերջին ավելի քան մեկ ամսվա ընթացքում Ռամկավար Ազատական Կուսակցության դեմ Չարչողլյանի իրերահաջորդ քայլերը անձնական նախաձեռնությունների արդյունք էին, թե՞ պաշտոնական Երևանի թելադրանք, և անկախ այս հարցի դրական կամ բացասական պատասխանից, արդյո՞ք Հունաստանի գլխավոր ընդդիմադիր ուժ հանդիսացող «Նեո-Դեմոկրատիա» կուսակցության կարկառուն դեմքի, Աթենքի նախկին քաղաքապետի (2003–2006թթ), նախկին արտգործնախարարի (2006–2009թթ), կուսակցության ներկայի նախագահի քրոջ՝ Դորա Բակոյաննիսի հասցեին աղմկահարույց վերագրումներն ու ՌԱԿ-ին նրա դեմ դրդելը, ընդամենը, մեկ միջոց էր ամբողջական ծրագրից, որը միտում էր ՌԱԿ-ին վարկաբեկել և ապա ենթահող ստեղծել նույն այդ ծրագիրը ավարտին հասցնելու։

Եվ ամենակարևորը, որ նման քայլերը, ո՞րքանով են օժանդակում Հայաստան- Սփյուռք հարաբերություններին և հայտարարված «Փոխադարձ վստահություն, միասնականություն և պատասխանատվություն» հասկացողությանը, եթե, իհարկե, կա այդպիսի միտում:

«Հունահայ Լրատու»

 

 

 

социално споделяне

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net