Այսօր Գերմանիայում յիշատակում էին կանանց ընտրական կամ քուէարկութեան իրաւունք ստանալու 100֊ամեակը

Այսօր Գերմանիայում յիշատակում էին կանանց ընտրական կամ քուէարկութեան իրաւունք ստանալու 100֊ամեակը։

Հետաքրքիր է իմանալ, որ Հայաստանում կանանց քուէարկութեան իրաւունք շնորհվել շուրջ 102 տարի առաջ, 1917 թուականի ապրիլին՝ Գէորգ Ե Ամենայն Հայոց Կաթողիկոսի յատուկ կոնդակով։

Իսկ 1919 թուին Հայաստանի Ա Հանրապետութեան Խորհրդարանն ունէր 3 կին պատգամաւորներ՝ Պերճուհի Պարտիզպանեան-Բարսեղեան, Կատարինէ Զալեան-Մանուկեան եւ Վարվառէ Սահակեան: Հայաստանի Ա Հանրապետութիւնն ունէր նաեւ կին դեսպան՝ յանձին Դիանա Աբգարի, ով Հայաստանի դեսպանն էր Ճապոնիայում։

Ստորեւ մի հատուած Գէորգ Ե Կաթողիկոսի վերոնշեալ կոնդակից. «Մեր սիրեցեալ որդիներին եւ մեր Լուսոյ Մայր Սբ. Էջմիածնի հարազատ զաւակներին, ամէն դասակարգի այր եւ կանանց, որոնք բնակւում են քաղաքներում եւ գիւղերում, ուրախակցական ողջոյն, Հայրապետական եւ Միածնաէջ Սբ. Տաճարից եւ մեր Սբ. Հօր բազմաչարչար Գրիգոր Լուսաւորչի առաքելական գահից օրհնութիւն…

… Հայոց ժողովո՛ւրդ,
Այս օրուանից սկսած արտօնում ենք կանացի սեռի իրաւունքների վերականգնումը համայնական գործերի մէջ: Կանացի սեռի իւրաքանչիւր անհատ իրաւունք ունի` տղամարդոց հետ միասին մեր հանրական կեանքի ամէն մի գործի մէջ հանդէս գալու, թէ՛ ձայնատւութեան եւ թէ՛ ընտրութեան ժամանակ, իրաւատէր լինել ե՛ւ ընտրուելու ե՛ւ ընտրելու, մի արտօնութիւն, որ մինչեւ այժմ այր մարդոց էր վիճակուած եւ նոցա՛ իրաւունքն էր համարւում»։

Hayr Serovpé Isakhanyan

 

споделяне в социални мрежи

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net