ՀԱՂՈՐԴԱԳՐՈՒԹՅՈՒՆ «ՐԱՖՖԻ» ՀԱՄԱԼԻՐԻ ՏԱՐԱԾՔԻ ԴԱՏԱԿԱՆ ՀԱՐՑԻ ՇՈՒՐՋ

Մեծ ուրախությամբ հայտնում ենք, որ ՀՄՄ «Րաֆֆի» Համալիրի տարածքի դատական հարցը մոտենում է իր ավարտին: Երեք մասնագետների կողմից գնահատվեց տարածքի արժեքը՝ 30 միլիարդ թուման: Նահանգապետարանում գումարվեց նիստ, որտեղ ներկա էին բոլոր կողմերը, համաձայնություն ձեռք բերվեց, որ գումարի կեսը վճարվի մինչև երկու ամիս և մյուս կեսը՝ իրանական հաջորդ տարում (1398 թ.) Թեհրանի մարզական ու երիտասարդության կազմակերպությունը հանձն առավ վճարի նաև այս 40 տարիների ընթացքում դատարանի կողմից որոշված վարձը՝ մոտ մեկ միլիարդ ու 350 միլիոն թուման:


Համալիրի վարչության բոլոր անդամների ջանքերը ունեցավ իր դրական արդյունքը: Ուրախ ենք, որ կարողացանք պահպանել մեր սուրբ օջախը, որպեսզի մեր համայնքի անդամների մի մասը կարողանա վայելի և օգտագործի այս սուրբ վայրը: Հարկ ենք համարում մեր խորին շնորհակալությունները հայտնել Թեհրանի նահանգապետարանի պատասխանատու պրն. Գուդարզիից, Թեհրանի մարզական ու երիտասարդության կազմակերպության պատասխանատու պրն. Գոլ Մոհամադիից, ԻԻՀ խորհրդարանի մեր պատգամավոր Դոկտ. Կարեն Խանլարյանից, ԹԽ-ի նախագահ պրն. Ռոբերտ Բեգլարյանից, ԹՀԹ-ի հոգևոր առաջնորդ Գերաշնորհ Տ. Սեպուհ Արք. Սարգսյանից, հոգևորականներից՝ հատկապես Տեր կոմիտասից ու ամենակարևորը՝ մեր ժողովրդից, որ ամեն կերպ մեզ աջակցեց ու թիկունք կանգնեց համալիրի հարցի լուծման գործում:


Ճիշտ է, դեռ 100 տոկոսով չի ավարտվել գործը, բայց մենք կարծում ենք, որ արդեն ամեն ինչ որոշված է և հույս ունենք, որ գումարները կվճարվեն ու մենք, ինչպես միշտ, կշարունակենք մեր մարզական, հասարակական ու մշակութային աշխատանքները:

ՀՄՄ «Րաֆֆի» Համալիրի Վարչություն

Քաղված՝ Rubik Sardarian-ի ՖԲ-յան էջից

 

бутони към социални мрежи

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net