Նոյեմբերի 27-ին ժ. 18:00-ի սահմաններում անհայտ անձինք մահափորձ են կատարել Հիմնադիր խորհրդարանի պատգամավորության թեկնածու Գևորգ Սաֆարյանի նկատմամբ` գլխի շրջանում նրան պատճառելով մարմնական վնասվածքներ: Բարեբախտաբար վնասվածքները ծանր չեն և նրա կյանքին վտանգ չի սպառնում:

Նույն օրվա գիշերը Երևանի տարբեր վայրերում հրկիզվել են Նախախորհրդարանի անդամներ, Հիմնադիր խորհրդարանի պատգամավորության թեկնածուների և աջակիցների վեց ավտոմեքենա, ինչպես նաև քաղաքացիական մեկ ակտիվիստի ավտոմեքենա:

Սա աննախադեպ ահաբեկչական գործողություն է: Նրա կազմակերպիչներն ու կատարողները հետապնդում են Նախախորհրդարանի նախաձեռնած “100-ամյակն առանց ռեժիմի” շարժումը ոչ միայն խափանելու նպատակ, այլ նաև սեփական ձախողված իշխանությունը պահելու:

Այս դեպքերը մեզ հիշեցնում են թուրքերի վարած քաղաքականությունը Ղարաբաղում մեր նկատմամբ` մեքենաներ վառել, մարդկանց ծեծել ու ահաբեկել: Ճիշտ նույն ձևով Թուրքիայի իշխանությունները վարվել են Հրանտ Դինքի նկատմամբ:

Ահաբեկչական գործողությունները հուշում են, որ մեր կյանքը, պատիվը, արժանապատվությունն ու ունեցվածքը պաշտպանելու համար մենք պետք է կազմակերպվենք և միջոցներ ձեռնարկենք:

“Արցախը Հայաստան է և վերջ” կոմիտեն ողջունում է Նախախորհրդարանի կազմակերպած” 100-ամյակն առանց ռեժիմի” ավտոերթի մուտքը Արցախ և իր պատրաստակամությունն է հայտնում միանալու ավտոերթին:

Արցախը Հայաստան է և վերջկոմիտե

29 նոյեմբեր 2014թ, ք. Ստեփանակերտ


29/11/2014

Lragir.am Նորություների կայքից.
http://www.lragir.am/index/arm/0/right/view/107332

социални мрежи

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.