Մոլորյալներ ենք կյանքի այս անանց լաբիրինթոսում

Մոլորյալներ ենք կյանքի այս անանց լաբիրինթոսում,
Մեր սկիզբը ո՞րն էր, որտեղի՞ց եկանք և ո՞ւր ենք գնում։
Ապրելու համար կռիվ ենք տալիս ամեն մի վայրկյան,
Արյուն֊քրտինքով՝ մի կերպ կերտում ենք վաղն ու ապագան։
Դեռ չկա մեկը, ով կյանք կոչվածին կտա մեկնություն,
Ինչո՞ւ է տրվել, արդյոք մենք ունե՞նք առաքելություն,
Թե՞ դեգերում ենք կյանքի քարքարոտ ճանապարհներում՝
Քանի որ չունենք, ու մեզ չի տրվել ուրիշ ընտրություն։
Ինչո՞ւ է կյանքը ինքը որոշում տեր ու ծառաներ,
Չէ՞ որ ծնվելուց՝ բոլորս նույնն ենք, չկա՛ն ընտրյալներ։
Գուցե պարզապես մենք չե՞նք հասկանում կյանքի խորհուրդը,
Կամ էլ ինքներս ենք հաճախ բարդացնում այս մեծ աճուրդը՝
Ուր վաճառքի են հանված սեփական հոգին ու խիղճը,
Եվ որպես կանոն՝ շահում է միայն ագահ, անխիղճը։
Իսկ մնացյալս՝ դեռ թափառում ենք լաբիրինթոսում,
Մենք ընտրյալներ չե՛նք, կամ էլ մեր կյանքը մենք չենք ափսոսում։

бутон за сайт

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net