Դուք տարաք ինձնից ամեն,ամեն բան

Դուք տարաք ինձնից ամեն,ամեն բան,
ինձ մնաց միայն մարմինս անտեր,
ես անցա կյանքի քարքարոտ ճամփան
և սեր մուրացի հազար ու մեկ գիշեր։

Քամուն խառնեցիք թևերս փետուր,
ինձ մնաց միայն ապակե հոգիս,
ես դարձա և’ օդ,ես դարձա և’ ջուր,
դարձա և հացը ձեր սեղանների։

Ինձանից տարաք ամեն,ամեն բան’
չնվիրեցիք ինձ ձեր ժամանակից ,
ինձ մնաց ճերմակ շապիկս միայն,
եղա ձեզ և’ քույր,և’ մայր,կին ու բախտակից։

Դուք քառասուն օր աղոթք արեցիք’
անցաք ճամփեքով այդ《սուտ》հավատքի,
միակին, որդուն խաչը հանեցիք’
ես լուռ հարբեցի գավաթից Նեռի։

Դուք հոշոտեցիք մարմինս մոմե,
ես իմ անթև ճախրանքը վայելեցի,
դուք աղոթեցիք’ նայեցիք վերև,
իսկ ես վերևից ձեզ լուռ ժպտացի։

Դուք տարաք ինձնից ամեն,ամեն բան,
ինձ մնաց միայն մարմինս անտեր,
ես անցա կյանքի քարքարոտ ճամփան,
և թռչեցի վեր,վեր ու էլի վե՜ր։

Անի Հերունի Սաջյան


spodelime.com

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net