Անուրջներից բույրն է կաթում
Հրաշագեղ վայելքներիդ,
Ցողվում տաքուկ սրտիս վրա,
Երբ նայում եմ խոր աչքերիդ։
Ու մղվելով սուզվում եմ ես
Հմայքի մեջ քո եզակի,
Այդ խորքերում դու լավ գիտես.
Որքան կարոտ կա բերկրանքի։
Երջանկության բույրն է թովում
Քո խոսքերից սեր անվարան,
Տաք ու մեղմիկ քո թավ ձայնից
Ես դողում եմ ու համրանում։
Խառնվում եմ շփոթմունքից,
Արձագանքում մեղմիկ ու հեզ,
Երբ լսում եմ հանպատրաստից,
Ինձ ասում ես սիրում եմ քեզ …
26.05.19թ.