Կանգնի՛ր լռություն…

Կանգնի՛ր լռություն, սպասի՛ր, ո՞ւր ես հապաղում: Ինչո՞ւ ես փորձում ինձ մոլոր թողնել  խառնիճաղանջ մտքերիս տհաճ աղմուկում: Չէ՞ որ կար ժամանակ, երբ քո թևերի մեջ ինձ բարուրած՝ թույլ չէիր տալիս, որ շրշյունն ու հնչյունը ականջս շոյեին, այլ էլ այն ժամանակ, երբ շունչս խորովվում ու հոգիս, ձուլված պղնձի նման աչքերիցս թափվելով, այտերս էր այրում. երանի թե այն ժամանակ այդքան սպասված ձայնն ասեր, որ վարդագույնն այտերիս ավելի է սազում, քան պղնձե դաջվածքները՝ ցած գլորվող… Ինչո՞ւ այն ժամանակ այդքան արագ ինձնից չհեռացար դո՛ւ, անիծյա՛լ: Իսկ հիմա, երբ արևածագը մտքերիս խրթին  անտառի միջից աղջամուղջ է երևում, փախչում ես ինձնից: Ա՛ռ ու քեզ հետ տա՛ր անցյալում չասված, բայց հիմա ասվող բառերն անիմաստ՝ որպես քավություն իմ հանդեպ գործած մեղքերիդ  անթիվ: Քեզ եմ նվիրում հիշողությունս, որ իր ափի մեջ թաքուն պահել է ջահելությունս:  Իսկ ես կվառեմ կյանքիս փարոսը, որ նավս առանց վախի ճեղքի մեծ օվկիանի ալիքներն ու կերտի իմ նոր էպոսը:

Վարդիթեր  Կարապետյան

 

социално споделяне

You can skip to the end and leave a response. Pinging is currently not allowed.

Leave a Reply

Powered by WordPress | Designed by: All Premium Themes Online. | Thanks to Top Bank Free Premium WordPress Themes, wordpress themes 2012 and
©Բոլոր իրավունքները պաշտպանված են: Մեջբերումներ անելիս հղումը www.norkhosq.net-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.norkhosq.net-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Նոր խոսք» ի ստորագրությամբ նութերի, կարծիքների եւ դիրքորոշումների համար: All Rights Reserved, www.norkhosq.net, info@norkhosq.net